Azyaşlı uşağın pravasız maşın sürməyinə görə məsuliyyəti nədir?

1. Pravasız maşın sürməyin cəriməsi 2025

Pravasız(Sürücülük vəsiqəsi olmadan) maşın sürməyə görə İnzibati Xətalar Məcəlləsinin 332.2-ci maddəsinə əsasən nəqliyyat vasitəsini idarə etmək hüququ olmadan nəqliyyat vasitəsinin idarə edilməsinə görə 200 manat məbləğində cərimə nəzərdə tutulur. 

İnzibati Xətalar Məcəlləsinin 335.1-ci maddəsinə əsasən nəqliyyat vasitəsinə sahiblik hüququ olan şəxs tərəfindən nəqliyyat vasitəsini idarə etmək üçün idarəetmə hüququ olmayan şəxsə verilməsinə görə nəqliyyat vasitəsinin sahibi 60 manat məbləğində cərimə edilir. 

Sürücülük hüququ olan nəqliyyat vasitəsinin sahibi və ya etibarnaməsi olan şəxs nəqliyyat vasitəsinin yanında olarsa avtomobil cərimə meydançasına yerləşdirilə bilməz.

2. Uşağın pravasız maşın sürməyinə görə cərimə 2025

Həmin inzibati xətanı törədərkən İnzibati Xətalar Məcəlləsinə əsasən, 16 yaşı tamam olmuş fiziki şəxslər inzibati məsuliyyətə cəlb olunurlar.

16 yaşına çatmamış şəxs inzibati məsuliyyətə cəlb edilə bilmədiyi üçün yaşı 16-dan az olan şəxsin sürücülük vəsiqəsi olmadan avtomobil idarə etməsinə görə həmin şəxs cərimə edilə bilməz.

Yalnız nəqliyyat vasitəsinin sahibi 60 manat məbləğində cərimə ediləcək.

Lakin 16 yaşı tamam olmuş istənilən şəxs cərimə oluna bilər.

3. Etibarnaməsiz maşın sürməyin cəriməsi 2025

Belə ki, nəqliyyat vasitəsinə sahiblik hüququ olan şəxsin nəqliyyat vasitəsində olması halları istisna olmaqla, nəqliyyat vasitəsinin etibarnamə olmadan idarə edilməsinə görə 40 manat məbləğində cərimə nəzərdə tutulur.

Nəqliyyat vasitəsinə sahiblik hüququ olan şəxs dedikdə, nəqliyyat vasitəsinin mülkiyyətçisi, yaxud etibarnamə və ya icarə və ya digər əşya hüquqlarına dair müqavilə əsasında nəqliyyat vasitəsini idarə etmək hüququ olan şəxs başa düşülür.